ფოლიუმის მჟავა- ვიტამინი B9

საკვლევი მასალა- ვენური  სისხლი

როგორ მოვემზადოთ ანალიზისთვის?

ტესტისთვის სასურველია უზმოდ ყოფნა.

კლინიკური მნიშვნელობა:

ფოლიუმის მჟავა (FA) არის B ჯგუფის წყალში ხსნადი ვიტამინი (B9), რომელიც მონაწილეობს ორგანიზმის ზრდისა და განვითარების პროცესებში. FA აუცილებელია სისხლის წითელი უჯრედების დიფერენციაციისთვის, ძვლის ტვინისა და ნერვული სისტემის ნორმალური ფუნქციონირებისთვის, უჯრედების გაყოფისთვის და ძალიან მნიშვნელოვანია ნაყოფის სწორი განვითარებისთვის.

როდის გავიკეთოთ ანალიზი?

• მეგალობლასტური ანემიის დიფერენციალური დიაგნოზი;
• ქრონიკული ალკოჰოლიზმი;
• ქალები, რომლებიც აპირებენ ორსულობას, განსაკუთრებით იმ შემთხვევაში, თუ მათ ჰყავთ ბავშვი ნერვული მილის დეფექტით;
• ანტიკონვულსანტებით, ანტიფოლატებით (მეთოტრექსატი), პირიმეტამინით (ანტიმალარიული), სულფასალაზინით (ნაწლავის ანთებითი დაავადების დროს), ორალური კონტრაცეპტივებით მკურნალობის მონიტორინგი;
• მალაბსორბციის სინდრომები;
• ღვიძლის ქრონიკული დაავადება;
• არასრულფასოვანი კვებაზე მყოფი მოხუცი.